MISMO si Brigada President/CEO Elmer Catulpos ang nagbutyag nga haligi sa kompanya si Maam Yentez Quintoy nga gihunosan sa kinabuhi sa mga walay konsensyang tawo niadtong June 4.
Segun ni Idol Brigada Elmer, si Maam Yentez, kinsa ang Executive Office Director ug Chief of Staff sa Brigada Group of Companies ang iyang sinaligan sukad pa kaniadto nga nagsugod sila sa ilang negosyo hangtud milambo kini asa mag-15 ka tuig na usab ang pagtrabaho niini sa Brigada.
Tungod niini, nagpagula si Catulpos og reward money nga P1 million pesos sa kinsa mang makahatag og impormasyon sa responsable sa pagpusil patay kang kang Quintoy.
Nagpagawas usab og opisyal nga pamahayag ang Brigada Group kalabot sa pagkamatay ni Maam Yen nga hugot nagakondena sa panghitabo ug himuon ang tanan aron mapanubag sa balaod ang mihimo sa ingon ug maangkon ang hustisya alang sa pamilya.
