CAMARINES NORTE- Nasungkit ng lalawigan ng Camarines Norte ang ilang major awards sa katatapos lang na 11th Serbisyong Salud Bikolnon (SSB) Awards ng Department of Health na ginanap sa The Marison Hotel sa Legazpi City noong Biyernes., Enero 13.
Dumalo sa awarding ceremony sina Governor Ricarte “Dong” Padilla, Provincial Health Officer Dr. Arnel Francisco, DOH Provincial Officer Dr. Jocelyn Iraola, ilang Local Chief Executive at Municipal Health Officers.
Kabilang sa nasungkit ng lalawigan sa Program awards ay ang Top Performing Bacteriologically Confirmed Treatment Enrolment in the Municipal Level (Race to End TB Awards) na nakuha ng LGU San Vicente.
Kabilang din ang naturang LGU sa top 5 Best Performing Facilities for PinasLakas sa Bicol Region sa ilalim naman ng Family Health Programs.
Napabilang naman sa dalawang Best Mental Health Program Implementation ang Provincial Health Office ng Camarines Norte.
Kabilang sa apat na Most Compliant Facilities sa ilalim ng Regulations, Licensing and Enforcement Division ang The Rosary of Virgin Mary Hospital, Inc. sa Sta Elena.
Pagdating sa Strategic Management and Health Development Cluster, napabilang sa nabigyan ng award sa DOH Data Collect Reporting Compliance Award na kinabibilangan ng Hospital, Infirmary at Temporary Treatment and Monitoring Facility (TTMF) ang Labo District Hospital at Leon D. Hernandez Memorial Hospital, Inc.
Ang Serbisyong Salud Bicolnon awards and Araw ng Pasasalamat ay isa sa pinaka prestihiyosong awards na ginagawa ng DOH Bicol Center for Health Development na dalawang taong hindi nagawa dahil sa COVID- 19 pandemic.
Ngayong taon ay ginawa itong muli na may temang “Pagkaburunyog para sa Salud nin Kagabsan.”
Isa itong taunang pagtitipon ng lahat ng local health implementers upang kilalanin ang kanilang “exemplary practices” tungo sa katuparan ng Universal Health Care.
Ang aktibidad ay pinangunahan ni Health Undersecretary Nestor F. Santiago Jr., Director IV of Health Facility Development Bureau of DOH Central Office Office Dr. Ma. Theresa G.Vera, Regional Director Dr. Ernie V. Vera, at DOH Bicol CHD Assistant Regional Director Dr. Ferchito L. Avelino.
Sa naturang aktibidad ay ginawaran din ng pagkilala ang iba’t National Government Agencies (NGAs) Faith-Based Organizations (FBOs), ilang media personnel sa rehiyon at iba pang health partners.
