Nagkukumahog ang Department of Transportation (DOTr) para sa posibleng privatization ng Ninoy Aquino International Airport (NAIA), sa harap na minamadali na nila ang pagkompleto sa terms of references ng kanilang kontrata.
Matatandaan na noong Disyembre, sinabi ni Transportation Secretary Jaime Bautista na nakikipagtulungan sila sa Asian Development Bank para sa paghahanda sa terms of reference para sa privatization sa NAIA.
Ayon kay Bautista, na ang terms of reference ay magiging available sa unang quarter ng 2023, kaya tatanggap sila ng mga proposals mula sa interested parties.
Sinabi ng DOTr, na pumalo na ang NAIA sa kanilang rated capacity, kaya panahon na para ma-modernize ito ay mapalawak.
