Muling nagpahayag ng kanyang suporta si dating Pangulong Rodrigo Duterte sa kanyang kahalili na si Pangulong Ferdinand Marcos Jr., partikular sa pagsisikap ng kanyang administrasyon na mapanatili ang kaayusan sa bansa.
Sa isang panayam, sinabi ni Duterte na kailangan suportahan ang kasalukuyang administrasyon at nagpapahiwatig ng pagnanais na magkaroon ng mas mahigpit na paninindigan si Marcos sa mga gumagawa ng matitinding krimen tulad ng drug trafficking.
Si Duterte, na ngayon ay tinatamasa ang buhay bilang citizen Rody sa Davao City, ay nagsabi na mayroon siyang “buong pananampalataya at tiwala” sa kanyang kahalili.
Samantala, nais ng dating punong ehekutibo na ang bawat Pilipino ay maging masaya man lang at makahanap ng mga paraan upang makita ang kasiyahan sa kabila ng mga hamon ng bansa.//CA
