Nilinaw ng Philippine Crop Insurance Corporation (PCIC) na hanggang tatlong unit lamang ang sakop ng insurance na ibinibigay ng gobyerno sa mga mangingisda at magsasaka na masisiraan ng mga ekipahe tuwing may kalamidad.
Sa panayam ng Brigada News kay Sorsogon Insurance Underwriter Jae Fuentes, sinabi nito na mahigpit na iniispeksyon ng Municipal Agricultures Office, Bureau of Fisheries ang Aquatic Resources ang mga ito bago maging kwalipikado at mabigyan ng bagong mga kagamitan.
Aminado naman ang opisyal na may katagalan ang pagrelease ng mga kapalit dahil na rin sa dami ng prosesong pinagdadaan at bilang ng mga nag-aaplay ng insurance.
Gayunpaman, patuloy ang paghikayat ng ahensya sa lahat ng mga mangingisda at magsasaka na magparehistro sa LGU dahil ito umano ang pinakaunang hakbang upang makakuha ng insurance.
