Mas pinaiigting ng Department of Trade and Industry (DTI) Bicol ang pagmomonitor ng mga produktong pang-noche buena kasunod ng pagpapalabas ng pinakabagong price guide.
Ayon kay Ruben Sombon ng nasabing tanggapan, patuloy silang bumibisita sa mga tindahan at establisyimento sa rehiyon upang imonitor ang mga presyo.
Layunin nitong matiyak ang mahigpit na pagpapatupad ang suggested retail prices (SRPs) sa mga tindahan o supermarket.
Aminado ang ahensya na tumaas nang husto ang presyo ng pasta, cream, spaghetti sauce, fruit cocktail, cheese at queso de bola dahil mataas ang presyo ng langis o gasolina na nakaapekto sa mga gastos sa manufacturing at iba pa.
Sinabi ng ahensya na ang mga produktong ito ay hindi nakakategorya bilang basic necessities at prime commodities (BNPCs) sa ilalim ng Republic Act (RA) No. 75181 na inamyenda ng RA No. 10623.
