Ipinagmalaki ni USec. Ramon Cualoping III na tumaas ang kapasidad ng national government sa pagbabakuna sa target population ng pamahalaan.
Ito ang inihayag ng kalihim sa Tipon-Tipan sa PIA Region 2 ngayong araw.Aniya, sa nagdaang pitong araw ay nakapagbakuna ng halos isang milyong dose ng COVID vaccine na umabot sa 850,000 doses.
Sa kabuoan ay mayroon ng 5,517,523 doses ng bakuna ang naiturok sa buong bansa simula noong magsimula ang vaccination roll out.
Nasa ika-23 na pwesto ang bansa sa may maraming naturukan mula sa 196 countries at ikalawa naman sa Asian countries kung saan nanguna ang bansang Indonesia.
Dagdag pa ni Usec. Cualoping, nasa 3.8% percent na population na ang naturukan bagaman aminado siyang malayo pa sa target na 70% pero base aniya sat trend ngayon ay umaasa itong makakamit ang herd immunity bago matapos ngayong taon.
