Naglunsad ng imbestigasyon ang Energy Regulatory Commission (ERC) sa “accuracy at reasonableness ng generation rates na ipinapasa ng mga distribution utilities (DU) sa kanilang mga mamimili sa gitna ng kamakailang pagtaas ng singil sa kuryente.
Sinabi ng ERC na sisiyasatin nito ang mga private utilities (PUs) at electric cooperatives (EC) sa bansa at ang kani-kanilang power suppliers sa ilalim ng kanilang Power Supply Agreements (PSAs) matapos makatanggap ng maraming reklamo mula sa mga consumers.
READ MORE:
Naglabas ang ERC ng 63 liham kahapon para sa mga private utilities, electric cooperatives at kani-kanilang PSA counter-party at humihingi ng patunay sa generation charges.
Ang validation ay nangangailangan ng pagsusumite ng mga dokumento upang suportahan ang detailed calculation ng fuel charges na tumutukoy sa malaking bahagi ng pagtaas ng singil sa kuryente mula noong Enero 2022.
Idinagdag pa ng ERC na ang first batch ng mga direktiba ay batay sa mga reklamong inihain sa ERC o natanggap sa pamamagitan ng Department of Energy at Office of the President.
