Suno kay Dr. Darel Tabuada, Iloilo provincial veterinarian, ro mga laboratory-confirmed ASF cases hay naitala sa an-om nga banwa it Iloilo, kung siin ro pinakabag-ong tatlong kaso hay halin sa New Lucena.
Ro pinakamaabong numero it ASF positive cases sa makara hay sa Oton nga may 206, sinundan it San Miguel nga may 42, Leganes nga may 10, Alimodian ag New Lucena nga may tig-tatlo, ag Santa Barbara nga may daywa.
Halin sa an-om nga banwa kara, 45 barangay ro apektado it ASF nga kung siin hay 31 sa Oton, an-om sa San Miguel, ap-at sa Leganes, daywa sa Lucena, ag tig-sambato sa Alimodian ag Santa Barbara.
Samtang, umabot eon sa 1,504 hog heads halin sa mga nasambit nga barangay ro na-depopulate kung siin 168 nga magsasaka ro naapektuhan.//LABYRINTH R. BAYONA
Photo credit: BFP-Alimodian Fire Station
