Nagapadayun makarun ro imbestigasyun it Malay MPS sa natabo nga pagpamaril kaina it kaaganhun sa Talipapa Bukid Sitio Manggayad Brgy. Manocmanoc sa isla it Boracay.
Sa report, dead-on-arrival ro owa pa nakilaea nga biktima sa Don Ciriaco S. Tirol Hospital sa isla.
Samtang, naninahan man ro sambilog pa nga ginkilaea kay Ronald Catalino 44yo it Sitio Ambulong nga ginsaylo sa ospital iya sa Kalibo bangud sa naangkon kara nga igu sa eawas.
Sa makarun hay padayun pang ginatumod ro motibo sa pagpamaril.
Padayun pa ro hot pursuit operation sa ginasugid nga daywa ka person of interest. / ANN DESLENE SALAZAR
