Nagtaeana it mga bag-ong opisyal ro mga daeagko nga pangaean sa industriya it fashion sa Aklan ku Nobyembre 15, 2022.
Si Kalibo Mayor Juris Bautista Sucro ro nanguna sa induction of officers ag nagpa-take oath kay Peter Rian Casidsid, bilang chairman it Aklan Fashion Designers Guild (AFDG).
Suno sa pilang designers, ro AFDG, nga gintukod ku 2018, hay owa eang nakasentro sa fashion designing sa sueod it masobra ap-at nga dag-on halin nga gintukod raya kundi nagpatigayun man segun sanda it gift giving para sa mga pigado.
Magapatigayun man segun sanda it relief operation kung may mga kalamidad.
Iga-promote man ro tatlong bagay nga ginapabugae it Aklan, ro Sound, Sand and Fibers. Sound – Mother of all Philippine Festivals nga Ati Atihan. Sand – ro ginapabugae nga isla it Boracay. Fibers – Piña (The Queen of Philippine Fabrics), Abaca and Raffia.
Ro mga consultant it AFDG hay ro mga kilaea sa world of fashion industry na sina Lesley Mobo, Cherry Veric, Dong Omaga Diaz ag Jojie Lloren. / ANN DESLENE SALAZAR
