May mga tikang eon nga ginaubra ro Task Force African Swine Fever (ASF) ag Bantay Karne it LGU Kalibo para padayun nga maging salbar sa ASF ro banwa it Kalibo kaeakip ro probinsya it Aklan.
Sa ginpatigayun nga meeting it nasambit nga task force, nagtaeana it oras it checkpoints ag ensaktong lugar ag roving checkpoints ro LGU Kalibo para ma-monitor ro mga nagasueod ag nagaagi nga mga processed meat products eabi eon kung raya hay halin sa karne it baboy iya sa Kalibo.
Ro ASF hay sangka virus sa mga baboy nga owa it bueong ag owa pa it bakuna kontra kara.
Bukon man raya it makataeapon sa tawo ag sa ibang sapat. / ANN DESLENE SALAZAR
