WALA’Y paglihok ang presyo o suggested retail price (SRP) sa kandila luyo sa taas nga ‘demand’ dungan sa pag-obserba sa Kalag-Kalag.
Matud ni Eddie De Asis, base sa ilang monitoring walay paglihok sa SRP sa kandila sa GenSan.
Usa lang ka type o brand sa kandilang puti ang naa naapil sa SRP nga nakita nila ang actual stock naa P76.13 ang SRP sa usa ka pack nga dunay sulod nga upat kabuok nga kandila.
Ang prevailing price sa maong brand sa kandila ang naa sa P75.00 hinungdan nga kini ang sulod gihapon sa SRP, butyag ni De Asis.
Nagpahimangno si De Asis sa mga konsumante nga mopalit og kandila sa mga groceries and supermarkets asa nabantayan nila ang presyo.
Ugaling dunay insidente sa ‘overpricing’ mahimong isumbong sa ilang buhatan sa GenSan.
Sa karon wala pa’y gipagawas nga SRP sa mga bulak, bisan paman wala kini gikonsidera isip basic goods.
Samtang kalabut sa Kalag-Kalag, ipakatag na sa Oktubre 31 ang gatusan ka pulis sa GenSan sa napulo ka dagkong sam-ang.
