Ginaimbitahan it Aklan Provincial Government ro tanan nga magpartisipar sa pinakaunang Aklan Medical Society – Dog Show and Rabies Awareness Program.
Ro nasambit nga programa hay paga pangunahan it Aklan Medical Society ag sa pakikipagbueoligan sa provincial government pinaagi it Office of the Provincial Veterinarian, Aklan State University – College of Veterinary Medicine, ag Maharlikan Center.
Tinutuyo it programa nga mataw-an it ideya ro mga ‘pet owners’ kaangot sa andang mga responsibilidad sa andang mga alagang ayam ag para malikawan ro rabies.
Igapatigayun ro aktibidad sa Oktubre 28, 2022, Biyernes, sa ABL Sports Complex, alas-7:30 it agahun ag magapatigayun man it Health Literacy Lectures on Animal Welfare Act, Responsible Pet Ownership, ag Animal Bites and Rabies.
May una man nga Free Rabies Vaccination sa pinakaunang 100 ka ayam nga magapa-rehistro. / ANN DESLENE SALAZAR
