Kasalukuyang ginagamot ang Basketball Hall of Fame inductee na si Dikembe Mutombo matapos itong madiagnosed ng brain tumor.
Ang dating center ay naglaro ng 18 season sa NBA sa anim na koponan, at nakakuha ng reputasyon bilang isa sa mga pinakamahusay na shot blocker ng liga.
Patunay nito ang apat na Defensive Player of the Year award sa kanyang career.
Sa isang pahayag ng NBA humihingi si Dikembe at ang kanyang pamilya ng privacy sa panahong ito para makapag-focus sila sa pangangalaga sa dating player.
Ang 56-taong-gulang, na may taas na 7 talampakan 2 pulgada, ay walong beses na All-Star at pangalawa sa all-time block sa kanyang karera.
Nakilala si Motumbo sa kanyang iconic finger wag matapos ang isang block na ginaya din ng ilang manlalaro.
