Tiniyak ng Taiwan na hindi sila aasa sa iba para depensahan ang kanilang teritoryo.
Ito ang inihayag ni Taiwan President Tsai Ing-wen habang welcome sa kanya ang commitment ng America sa pag-aalaga sa kanilang seguridad sa harap ng tinawag na Chinese encroachment sa kanilang soberenya.
Ang pre-recorded na pahayag ni Tsai na ipinarinig sa US audience sa Washington forum kasunod ng pledge ni US President Joe Biden na tutulong sa pagdepensa sa Taiwan.
Labis naman ang pasasalamat ni Tsai sa US pero handa aniya silang idepensa ang kanilang seguridad at panatilihin ang demokrasya sa kanilang mga mamamayan.
Kahapon ay kinumpirma ng Taiwan na naispatan ang walong Chinese fighters na tumawid sa kanilang median line.
