GIDAYEG sa kasundalohan ang pag-abot sa dugang ‘military assets’ nga gamiton batok terorismo.
Ang bag-ong self-propelled 155mm Autonomous Truck Mounted Howitzer System (ATMOS 2000) ang gikonsiderang ‘game changer gumikan dako kini og matabang sa focused military operations particular sa Central ug South- Central Mindanao, asoy ni 6th Infantry (Kampilan) Division and Joint Task Force Commander Major General Roy Galido.
Dugang ni Galido, ang bag-ong kapabilidad ang magamit batok teroristang grupo nga nagtago-tago dungan sa gilusad nga operasyon.
Ang assets ang gikan sa Naval Base Heracleo Alano, Sangley Point, Cavite City atong Setyembre 24 ug naabot sa GenSan atong Huwebes.
Ang bag-ong ‘war equipment’ ang magpakusog usab sa internal security operations batok sa mga kalaban sa estado.
Kini ang labing dakong armas sa Army Arsenal karon, awtomatikong nagaload ug usa usab ka digital fire control.
Makadeliber usab kini og ‘accurate fires’ to a range hangtud 41 kilometers. Ang ‘atmos’ artillery pieces og napalit ilawom sa Horizon 2 sa Revised Armed Forces sa Philippines Modernization Plan. Gipalit kini sa Israel’s Elbit Systems sa US$47 million contract nga gipirmahan atong 2020. (Richel Gubalani)
