Mas ginpabaskog pa it Police Regional Office 6 (PRO-6) ro kampanya kuntra sa iligal nga droga.
Sa presente, mas nakatutuko ro mga kapulisan sa mga sindikato ag nagapanguna nga mga supplier it ginabawae nga bueong.
Base pa kay Brigadier General Leo Francisco, PRO-6 director, para malikawan ro bentahan it droga sa Western Visayas, mas ginpabaskog pa nanda ro koordinasyon sa Philippine Drug Enforcement Agency 6 (PDEA-6) ag mga Barangay Intelligence Network (BIN).
Base sa pinakaulihi nga rekord it PRO-6, nakakumpiska ro mga otoridad halin Enero hasta Agosto it 30,000 grams it shabu ag 3,900 grams it marijuana nga may kabieogan nga balor nga P200M.
Naaresto man ro 1,365 drug personalities sa bieog nga rehiyon./JIL B. LACSON
