Naghinyo ro Sangguniang Panlalawigan (SP) Committee on Justice, Good Government and Human Rights nga dugangan it gobyerno nasyunal ro budget sa pagkaon para sa masobra 1,000 ka mga persons deprived of liberty (PDLs) sa Iloilo District Jail sa Pototan, Iloilo.
Matandaan nga ku kan-o eamang, naghiwat it kilos protesta ro mga PDLs bangud uwa segun sanda ginapakaon it ensakto it mga personnel it nasambitan nga presuhan.
Nasayuran nga ro daily budget it Bureau of Jail Management and Penology (BJMP) sa sambilog ka PDL hay nagaabot eamang sa P70 o P23 kada kaon.
Base sa SP, ro mga PDLs hay may kinamatarong nga mataw-an it ensakto nga budget para sa andang pagkaon ag bukon segun it ensakto ro nasambitan nga pondo.
Kasunod kara, magapasa it sambilog ka resolusyon ro SP nga nagakumbinse sa Department of Budget and Management ag Kongreso nga pataason ro budget sa pagkaon sa mga presuhan./JIL B. LACSON
