KORONADAL CITY- NASA 400 na mga benepisyaryo mula sa bayan ng Polomolok at lungsod ng Koronadal sa South Cotabato ang nakatanggap kamakailan lamang ng Livelihood Assistance Grant o LAG mula sa Department of Social Welfare and Development o DSWD Region 12.
Ito ay sa ilalim ng Sustainable Livelihood Program o SLP.
Napag-alaman na nakapag-release ang DSWD 12 ng P 6 million na pondo para sa mga maliliit na negosyante kung saan ang bawat isa ay nakatanggap ng tig P 15,000 na capital seed fund.
Ang LAG ay isang programa na nagbibigay ng dagdag na capital sa negosyo ng mga benepsiyaryo katulad ng sari-sari store, bamboo making, ice cream making, at pagtitinda ng isda at mga gulay.
