Na hit and run ru sangka babaye nga driver it WIGO Hatchback matapos mabanggaan it motorsiklo sa Ilang-ilang St.,Brgy. Andagao, Kalibo, Aklan.
Sa report it Kalibo MPS, ru babaye nga driver hay naga pangidaron it 31 anyos ag naga-uli sa nasambit man nga lugar.
Gulping binanggaan it motorsiklo nga may sakay nga daywang ka mga pasahero ru nasamad nga kotse.
Bagud kara, naka angkon it indi pa ma estimar nga kasamaran ru kotse matapos masamad ru waea nga espiho ag pwertahan.
Samtang, naga padayon pa ru imbistigasyon it mga kapulisan sa insidente.//MARIVIC Y. ILIN
