Padayon makara nga ginapabueong sa ospital ro sangka babaye matapos gin-gilitan sa anang liog it daywa nana ka kampod sa San Luis, Batangas.
Ginea-om it anang mga kampod nga sambilog raya ka mangkukulam.
Ro biktima hay ginkilaea nga si Angelina Calaluan, 54-anyos samtang ro mga suspek hay ro magmanghod nga kanday Roderick at Arnold de Chaves.
Base sa imbestigasyon it mga kapulisan, matapos magpakonsulta sa sangka albularyo, gin-eaom it magmanghod nga ro nagkulam sa andang nanay hay si Calaluan, rason nga samtang pauli ro biktima, ginbantayan nanda raya ag kat makatiempo ginkuga ag gin-gilitan sa liog.
Nakapangayo pa it bulig ro biktima ag nabatian raya it anang unga.
Matapos ro insidente, insigida nga nagpalagiw ro mga suspek pero naaresto sa follow-up operation si Roderick samtang at-large man si Arnold./JIL B. LACSON
