GISUGDAN na sa taga Comelec Gensan ang pagbansay sa mga magtutudlo nga magserbisyo sa umaabot nga May 9, 2022 national ug local elections.
Sa official social media page sa taga Comelec Gensan gipakita ang mga hulagway sa mga magtutudlo nga kauban ang mga personahe sa taga Comelec Gensan sa usa ka venue sa training.
Sa kumpermasyon ni City Comelec Officer Atty. Sharmaine Papandayan Garangan ang naapil sa training ang magsilbing chairperson ug poll clerks nga mokabat tanan sa 992 public school teachers sa Gensan.
Samtang ang ilang matun-an mao ang mga instructions alang sa Electoral Boards subay sa Comelec resolution number 10727, ang Automated Election System, Parts and Functions of VCM Vote Counting Machine ug ang VCM Operations.
Sa unang ikaduhang adlaw sa training mao na ang practical exam ug online theoretical exam nga dumalahan sa taga Department of Science and Technology kon DOST.
Sa Gensan nagsugod ang pagbansay sa mga nagtutudlo Marso 16 ug mahuman sa Marso 24, 2022. I Ver Diazon
