Gikalipay pag-ayo sa 96 anyos nga lola human naturokan sa bakuna pangbatok sa coronavirus subay sa gihimong pagpamakuna ngadto sa mga senior citizens sa siyudad sa Butuan.
Sumala ni Sherlita Escala, anak sa naturokang lola, abtik matod pang ni-uban ang iyang inahan dihang gipahibalo nga namakuna na batok sa maong sakit.
Gusto matod pa sa inahan ni Escala nga mapanalipdan ang kaugalingong batok sa covid-19.
Ang nagpaturok nga lola mao si Melecia Arnaiz, 96 anyos, isa ka balo, residente ning siyudad.
Gitin-aw sa anak, bisan pa sa pangidaron, apan wala kini gitumar nga maintenance ug wala usab kini gibati nga adverse effects human nabakunahan.
