MISAKA na 939,822 ang naturukan sa COVID 19 vaccines sa GenSan. Base sa labing ulahing taho, anaa sa 416,716 ang nakadawat sa unang dose o 89.89% sa kinatibuk-ang target population.
Samtang anaa sa 417,037 ang nakadawat sa second dose o anaa sa 89.97%. Mokabat usab sa 92,219 ang nakadawat og unang booster dose samtang 13,815 ang nakadawat sa second booster dose.
Subling nanawagan si Dr. Lalaine Calonzo, labaw sa wala pa nagpabakuna nga magpabakuna. Dungan sa pagkasuta sa bag-ong subvariant sa Covid-19 nga mao ang XBB.1.5 kini ang gikaengong bag-ong variant sa Omicron, kini usab ang gitudlong rason sa posibleng pagsipa sa kaso sa virus sa United States.
Apela ni Calonzo, abli ang mga rural health units (RHU) gikan Lunes hangtud Biyernes gikan alas- 8 sa buntag hangtud alas-5 sa hapon.
Pasabot niini, dako og mapatabang isip dugang proteksyon sa virus labi na ang sa booster dose. I Richel Gubalani
