KALIBO, AKLAN—Umabot eon sa 86% nga mga healthcare workers sa government hospitals sa probinsya it Aklan do fully vaccinated kontra sa COVID-19.
Kaeakip kara do mga nagatrabaho sa DRSMTH, Malay Municipal Hospital, Buruanga District Hospital, Altavas District Hospital, Ibajay District Hospital, Ciriaco Tirol Hospital sa isla ng Boracay, Madalag District Hospital ag Libacao District Hospital.
Sa mga private hospital man hay una eon sa 76% do mga nabakunahan it Sinovac ag AstaZeneca vaccine.
As of May 22, 2021, kabilugan nga 6,093 nga mga senior citizen nga may comorbidity do naturukan it bakuna samtang do mga sa A1 priority group man hay nagaabot sa 9,205. // SHERRY ANNE REUNIR-VIDAL
