Ginpaguwa eun it Department of Education (DepEd) ro listahan it 86 ka mga eskwelhan sa probinsiya it Aklan nga maghiwat it modified face-to-face classes.
Kasunod raya sa kakatapos eamang nga onsite validation it regional composite team kaibahan ro Division composite team ku Mayo 18 hasta 19.
Lima ka mga pribadong institusyon sa mga kabanawahan it Kalibo, Malinao, Buruanga, Nabas, ag Ibajay ro gin-aprubahan nga igapadayon ro limitadong paghiwat it face-to-face classes samtang ginpasugtan man it DepEd nga makahiwat it in-person classes ro mga eskwelahan sa mga banwa it Balete, Banga, Batan, Kalibo, Numancia, Madalag, Malinao, Buruanga, Malay, Libacao, Ibajay, ag Nabas./JIL B. LACSON
