Nagdangat na sa 60 ka pamilya kag 207 ka mga indibidwal ang nag-evacuate sa banwa sang Cuartero as of 9PM to 4AM.
Sa interview sang Brigada News FM kay Mr. Ronald Guillermo, MDRRMO Head, ginpahayag sini nga yara na sa 8 ka mga kabarangayan ang apektado sang pagbaha.
Not passable dire ang Barangay Angub padulong sa Dumalag kag ang dalan halin sa Cuartero padulong sa Maayon.
Samtang ang national highway sa nasambit nga banwa ang pwedi pa maagyan sang salakyan.
Gindeklarar naman sang LGU-Cuartero nga suspendido ang trabaho kag tanan nga level sang klase bangud man sa mamunog nga pag-ulan dala sang LPA.
Nagpanugyan naman si Guillermo sa mga pumuluyo nga maghalong kag kun mataas na ang tubig indi na magdesider nga magtabok ukon maglakat pa agud mapalayo sa peligro. | Judy Ann Juare
