Naitabla ng Philadelphia 76ers sa 1-1 ang serye sa Eastern Conference semis laban sa Atlanta Hawks, 118 – 102.
Susi sa panalo ang 40 puntos at 13 rebounds mula kay Philly center Joel Embiid.
Tumulong din sa scoring sina Tobias Harris na may 22 points at 21 points naman ang naimbag ni Seth Curry.
Umabot ng hangang 18 puntos ang lamang ng 76ers mula sa first quarter at mula dito ay hindi na lumingon pa sa bisitang koponan.
Nanguna naman para sa Atlanta sina Trae Young at Danilo Gallinari na kapwa humakot ng tig-21 puntos.
Gaganapin naman ang Game 3 sa Sabado, June 13, sa homecourt ng Hawks.
