Dakop ro sangka 67yo nga persona sa may banwa it Balete bangud sa illegal gambling partikular ro bookies.
Ginkilaea ro nadakpan nga si Rolito Cual 67yo ag taga Brgy. Aranas, Balete.
Nadakpan raya paagi sa entrapment operation it Balete MPS ag sa ginpatigayun nga Anti-Ilegal Gambling Operation kahapon sa may Brgy Calizo, Balete.
Narekober sa suspek ro mga cotejo it pagpataya sa illegal nga sugae ag pusta nga 410 pesos.
Kulong eon makarun ro suspek sa Balete MPS para pasakaan it nagakaigu nga kaso. / ANN DESLENE SALAZAR
