NAA 60 ka dolphins nasiplatan sa kadagatan sa Sarangani Bay, milabay nga adlaw. Nakita kini sa mga sakop sa Provincial Environment and Natural Resources Office (Penro) sa Sarangani ug sa Protected Area Management Office Sarangani Bay Protected Seascape (PAMO-SBPS).
Ang mga dolphins gilangkuban sa napulo ka Risso’s dolphin (Grampus griseus), nga naila sa ilang talagsaon nga scarred features, ug 40 ngadto sa 50 Spinner dolphin (Stenella longirostris) nga naila tungod sa ilang pagdula-dula ug akrobatiko nga kinaiya.
Matud ni Penro Sarangani Officer Shalimar Disomangcop nga mao pa kini ang pinakaunang higayon nga siya personal nga nakakita ug ang iyang mga kauban sa mga dolphins sa kadagatan sa Sarangani.
Nakita nga ang ‘preservation efforts’ sa lokal nga panggamhanan ug mga environment stakeholders’ ang mihimo og kaayo. Gatusan na usab sa mga marine mammals ang nakita sa mga environment workers sa bahin sa 215,950-hectare Sarangani Bay, nag-inusara nga protected seascape sa rehiyon-12. I Richel Gubalani