KORONADAL CITY – ARESTADO ang isang lalaki na nagtangkang magpasok ng illegal na droga sa South Cotabato Rehabilitation and Detention Center, kahapon ng hapon sa Purok Matulungin, Barangay GPS, Koronadal City.
Kinilala ng Koronadal City PNP ang nahuling suspek na si Anthony Bico Sucgang, alias “TonTon”, 24 anyos, single, isang driver at residente ng Purok Spring 1, Barangay Morales nitong lungsod.
Nakuha umano sa suspek ang isang eco bag na may siyam na bote ng nail polish kung saan ipinasok ang tig-iisang sachet ng pinaniniwalaang shabu.
Umaabot umano ito sa 10 gramo at nagkakahalaga ng P70,000.
Sa ngayon, nananatili sa kostudiya ng Koronadal City PNP ang nasabing suspek.
