Kumpirmadong patay ang unom ka mga mananagat human nga nasunog ang ilang gisakyang fishing vessel sa kadagatan nga sakop sa City of Naga Cebu kagabie, Hunyo 5, 2024.
Sa pakighinabi sa Brigada News FM Cebu karong buntag ni Capt. Jerome Lozada sa Coastguard Central Cebu nga unom katawo ang kumpirmadong namatay sa pagkasunog sa maong barkong panagatan.
Matud ni Lozada, nga karong buntag, naka-ugkat sila og duha ka patayng lawas, duha usab ang na-recover kagabie, ug aduna pay duha ka patay nga anaa sa ilawom sa bangka diin padayon karon ang gihimong retrieval operation kauban ang mga divers.
Padayon pa usab nga gisusi sa otoridad ang identity sa mga nakalas.
Gawas sa mga namatay, aduna usab unom katawo nga na-rescue kagabie og gidala sa tambalanan kauban na ang boat captain nga anaa sa kustudiya sa Coast Guard sub-station sa City Of Naga.
Ang maong fishing vessel nga F/B CA King Bryan, gikan Cawayan Masbate.
Matud ni Mark Anthony Sullano, kapitan sa maong Fishing vessel nga nasunog ang ilang gisakyan human nga nag-overheat ug mibuto ang makina.////
