Nakuhaan og 18 ka pakete sa shabu ang unom ka mga top drug personalities sa mga sakop sa Sta. Ana, mga personahe sa PDEA Office 11 ug NBI Office 11.
Ang mga dinakpan mga High Value Individual nga nailang sila Najieb Mohamad (Top 2 Regional level), Kamal Monib (Top 5 Regional Level), Nasrudin Antog (Top 7 Regional Level), Gani Dulos (Top 8 Regional Level), Saed Dimala (Top 9 Regional Level), ug Junaid Tahil (Top 10 Regional Level)
Mutimbang sa kapin kon kulang 50 gramos sa gituohang shabu nga mubalor sa 340,000.00 ang nakumpiska gikan sa mga nahisgutan.
Gikatakdang pasakahan og kaso ang mga dinakpan nga karon anaa na balhug sa prisohan.
