Gagawin na lamang 2 hours imbis na 6 hours ang isasagawang Air Traffic Management Center (ATMC) corrective maintenance.
Ito ang inanunsyo ng Civil Aviation Authority of the Philippines (CAAP) kaugnay ng inaasahang airspace shutdown upang bigyang-daan ang naturang maintenance sa May 17.
Ayon sa CAAP, ang pagbabagong ito ay resulta ng kanilang pakikipag-coordinate sa mga stakeholders, kaya tuluyan na nilang kinakansela ang una nilang notice.
Kung maaalala, una nang inihayag ng aviation authorities na ang pagkakaroon ng shutdown ay upang gawin ang maintenance activity, at maiwasan nang maulit ang insidente noong Bagong Taon kung saan nakaranas ng aberya sa NAIA.
Samantala, tiniyak naman ng ahensya na gagawin nila lahat ng nararapat na hakbang upang masiguro ang kaligtasan at kahusayan ng air travel sa kanilang operasyon. //MHEL PACIA
