LEGAZPI CITY – Kinumpirma ng Provincial Epidemiology and Surveillance Unit (PESU) Gna umabot na sa 541 ang mga naitalang kaso ng hand, foot, and mouth disease sa lalawigan ng Albay mula noong Nobyembre 15-25.
Ayon sa PESU, pinakamaraming naitalang kaso ng HFMD ay sa bayan ng Oas kung saan mayroong 162 na sinusundan naman ng Legazpi City at ng Guinobatan.
Dahil dito, ang Albay Provincial Health Office (PHO) ay nagsimula nang magsagawa ng disinfection sa mga komunidad upang hindi na dumami pa ang mga kaso nito.
Samantala, kabilang sa mga sintomas ng nasabing sakit ay ang lagnat at mga rashes.
Dahil dito, ang sinumang nakararanas ng nabanggit na mga sintomas ay inaabisuhang manatili sa kani-kanilang mga tahanan upang hindi na makawa pa sa iba.
Pinapayuhan naman ng PESU kasama ng PHO ang publiko na panatilihin ang proper hygiene sa lahat ng oras.
