MAGPAKATAP ang Cebu City Police Office (CCPO) og dul-an sa 5,000 ka mga police personnel sa tibuok selebrasyon sa umaabot nga kapistahan ni Señor Sto. Niño sa Cebu sa sunod tuig.
Matud ni CCPO Director Ireneo Dalogdog, nga gawas sa kinatibuk-ang 4,953 ka mga personnel,, mo-request usab sila og dugang 3,000 augmentation forces.
Si Police Colonel Antonietto Cañete, hepe sa Regional Community Affairs Development Division, nipasabot usab sa posibilidad nga ipatuman ang signal shutdown isip security measure atol sa dagkong mga panagtapok, sama sa foot ug seaborne processions nga kabahin sa maong aktibidad.
Ang Fiesta Señor magsugod pinaagi sa Penitential Walk with Jesus gikan sa Fuente Osmeña Circle paingon sa Basilica sa Enero 5, 2023.
Gawas niini, aduna usab 11 ka misa novena nga ipahigayon matag adlaw sa pilgrim center sa Basilica nga magsugod sa alas 7 sa buntag hangtod sa alas 7 sa gabii.///
