Lubog pa gihapon sa tubig baha ang 50 sa 154 nga gikareport nga gibaha sa Davao region.
Kini atol sa gipahigayong Rapid Damage Assessment and Needs Analysis (RDANA) sa 10th Infantry (Agila) Division, Office of Civil Defense Region 11, ug Provincial Local Government Units sa Davao de Oro, Davao del Norte, ug Davao Oriental as of January 22, 2024.
Gibana-banaan nga muabot na sa P68Million ang damyos ug pagkalugi sa agrikultura sa Rehiyon onse gumikan sa maong kalamidad.
Miabot na usab sa 337 ka mga barabangay ang apektado samtang 16 ang gikatalang patay ug lima ang nasamdan.
Gibutyag ni Brigadier General Felix Ronnie B Babac, 1001st Infantry (Pag-asa) Brigade Commander, nga andam ang ilang military trucks ug uban pang mga resources gikan sa Philippine Army nga mutabang sa mga apektadong probinsiya.
