LEGAZPI CITY – Sinairarom sa Disaster Risk Reduction and Management (DRRM) training an nasa 50 mga bagong elehidong kapitan kan manlaen-laeng barangay sa Camalig.
Pinangenotan ini ni MDRRMO Chief Rommel Negrete, kun sain an pokus kan training iyo an pagbilog nin ‘results-based monitoring and evaluation systems for DRRM-Climate Change Adaptation and Mitigation programs’.
Mantang, pinag-orolayan man digdi an manungod sa pag-activate, pagpapakusog asin kun ano an papel nin Barangay Disaster Risk Reduction & Management Committee (BDRRMC) kasarabay na an importansya kan komunikasyon sa pagresponder sa ano man na kalamidad siring kan pagdesiminar nin impormasyon sa saindang mga konstituentes.
Mientrastanto, parte an lakdang na ini sa obheto kan LGU na matawanan nin bastanteng kaaraman an mga lideres nin kada barangay para sa kaligtasan kan bilog na banwaan.
