Patay sa aksidente ru sangka 44 anyos nga eaeaki matapos ma aksidente sa Brgy. Lilo-an, Malinao, Aklan.
Sa initial nga imbistigasyon, nakilaea ru biktima nga si Stephen Moral, residente it Brgy. San Roque, Malinao apang naga estar sa Brgy. Libang, Makato, Aklan.
Halin sigun sa Brgy. Cogon, Malinao ru biktima paadto it San Roque, Malinao kat maduea-an it control ru minamaneho nga motorsiklo.
Nag-angkon it head injury ru biktima ag eagi man nga gin daea sa Dr. Rafael S. Tombukon Memorial Hospital it MDRRMO-Malinao ag Malinao MPS apang uwa eon naka-abot nga buhi.
Samtang, naga padayon pa makaron ru follow-up investigation it mga kapulisan. //MARIVIC Y. ILIN
