Sugatan ang mga sakay ng dalawang motorsiklo matapos magbanggaan bandang alas-onse kagabi, ika -28 ng Nobyembre sa harap ng isang Music Lounge sa Barangay Bancao- Bancao Puerto Princesa City.
Sa ulat ng PNP, kinilala ang mga biktima na sina Melvin Cola Tanio, 31 anyos, habang ang dalawang angkas nito ay sina Marcelo Bacalla 39, at isang alyas CJ Camacho.
Ang nakabanggaan nila ay kinilalang si Andrew Fuentes, nasa hustong gulang na drayber ng Suzuki Smash.
Sa imbestigasyon ng PNP, binabaybay nina Melvin ang Rizal Avenue mula sa Junction 1 patungo sa Brgy. Bancao- bancao habang kasalubong nila si Andrew.
Ayon sa naka-saksi sa aksidente, kasunod lamang siya ni Andrew nang mapansin umano nyang pagiwang- giwang ito bago pumasok sa linya ng kasalubong at nagbanggaan.
