GIDAKOP human sa buy bust operation ang upat ka mga tawo sa hiniusang pwersa sa kapulisan Mayo 3 sa kasamtangan nga tuig.
Gipangunahan ni PLt Albert Abelis sa City Police Drud Enforcement Unit kon CPDEU ang buy bust operation nga gihimo sa tulo ka lugar.
Subay sa talaan sa presensto kwatro ang unang gidakop mao si Redel Esguera Delubio alias Redel, 30-anyos, ulitawo, factory worker nga taga Purok Masagana, Hagnaan, Brgy.San Isidro.
Nakuha sa pulis ang tulo ka putos sa gidudahang shabu nga may balor nga P5,800 pesos.
Ang sunod nga gidakop silang Aili Fuentes Bolong alias Ali, 34-anyos nga taga Delfin Subdivision Malakas ug si Regine Matulac Lobiogo alias Jinjin, 32-anyos nga taga Purok 4-A, Rajah Muda, Brgy. Bula, nakuha sa pulis ang duha ka putos sa gidudahang shabu nga may balor P13,000 pesos.
Ug ang ikaupat nga gidakop mao si Ricardo Lugatiman Robleza Jr., 36- anyos nga taga Sitio Intake, Brgy.Mabuhay, nakuha sa pulis ang upat ka putos sa gidudahang shabu nga may balor P9,280 pesos.
Sa pagkuha sa mao nga report anaa sa kustodiya sa presento kwatro ang mga gidakop samtang gina-andam ang tukmang kaso nga ipasaka batok kanila, kalabot sa section 5 sa RA 9165 kun Comprehensive Dangerous Drugs Act of 2002.
Gidala usab sa Dr. Jorge P. Royeca Hospital ang mga gidakop aron masusi ang maayong panglawas unya gipahibalo sa ilang mga katungod ilawom sa batakang balaud sa nasud pinaagi sa ilang masabtan nga pinulongan. ( Ever Diazon)