GISARADO temporaryo ang 35 ka resort sa Glan, Sarangani Province dungan sa padayong pagsaka sa kaso sa Covid-19. Matud ni Rhoa Wadingan, Supervising Tourism Operations Officer tungod niini 439 empleyado sa mga resort ang nawad-an og trabaho.
Bag-o nagdesisyon si Mayor Vivien Yap nakigpulong usa siya sa miyembro sa Glan Tourism Industry Association (GTIA).
Sa pulong gipasabot sumala pa sa mayor ang sitwasyon sa Covid-19 sa lugar rason sa panginahanglan sa temporaryong pagpa-close. Giangkon niini nga daghang mga resort owners ang lugi na ug ang labing apektado ang mao ang mga empleyado.
Human nag-refund og mga booking nakalabay’ng bulan ang mga tag-iya sa resort tungod sa community status nga gipatuman. Samtang planong tabangan sa LGU ang mga empleyado pinaagi sa pagpangayo og assistance gikan sa Department of Labor and Employment (DOLE).
Kahibaloan nga popular ang white-sand beaches sa Barangay nga nakatala og taas nga ihap sa turista atong unang bulan sa tuig. Ang lugar ang giila isip “Boracay of the South,” nga dunay daghang beach resorts sa area. ( Richel Gubalani)
