CAMARINES NORTE- Naitala ang 30 panibagong kaso ng COVID-19 sa Camarines Norte nitong weekend.
Nitong sabado, 19 ang mga bagong kaso na naitala kung saan 8 bagong kaso ang naitala mula sa bayan ng Daet, tig -3 kaso ang bayan ng Jose Panganiban at Talisay, 2 ang nagmula sa bayan ng Vinzons habang may tig-i-isang kaso ang bayan ng Labo, Paracale at Sta. Elena
Kahapon sa case bulletin report ng DOH naitala ang 11 bagong kaso kung saan nakapagtala ng 4 na bagong kaso ang bayan ng Labo, 3 ang nagmula sa bayan ng Sta. Elena, 2 sa Vinzons at tigi-1 kaso ang bayan ng Basud at Capalonga
Sa ngayon ang lalawigan ng Camarines Norte ay pumalo na sa 1,615 ang kabuuang bilang ng kumpirmadong kaso ng Covid-19, mula sa bilang na ito ay 348 ang aktibong kaso, 1,208 ang kabuuang recoveries at 79 ang nasawi dahil sa sakit
Tiniyak naman ng bawat lokal na Pamahalaan ang agarang pagsasagawa ng contact tracing sa lahat ng mga nakasalamuha ng pasyente habang patuloy na pinaalalahanan ang publiko na sumunod sa mga ipinapatupad na Health safety protocols
