Tatlong municipalidad sa Aklan ru nailista nga may BETA variant particular ru Buruanga, New Washington ag Nabas.
May P.3 variant man sa Kalibo ag New Washington.
Base sa official statement it Provincial Health Office (PHO)-Aklan, nag positibo sa Beta Variant si N.F. sangka 89 anyos nga eaeaki, ag residente it New Washington, Aklan.
Positibo man si E.L., 54 anyos nga babaye nga taga- Buruanga ag sangka 29 anyos nga eaeaki nga si R.R. it Nabas, sangka Returning Overseas Filipino (ROF).
Samtang, positibo sa P.3 variant sanday M.A, sangka 51 anyos nga babaye nga taga-Kalibo ag si D.R., sangka 45 anyos nga eaeaki it New Washington.
Sa initial nga imbistigasyon, tanan nga kaso hay naka recover eon sa makaron.
Padumdom it PHO-Aklan, maging kalmante ag maging vigilante ru publiko.
Kinahangean sigun nga ma protektahan ru sarili it COVID-19 variants, dapat nga mag pabakuna ag mag sunod sa minimum public health standards.//MARIVIC Y. ILIN
