LEGAZPI CITY – Nakua na an lawas kan tulong persona na napabaretang nawawara sa banwaan kan Libon, Albay.
An mga narekober na bangkay, iyo an mga linubong kan Conception Criminal Gang sa Sitio Tagbac, Brgy. Macabugos kan nasambit na banwaan.
Sinakat asin ginalugad kan mga personahes kan National Bureau of Investigation, Scene of the Crime Operatives, Albay Police Provincial Office asin Philippine Army an kabubuldan sa nasambit na lugar kun sain nakua an lawas kan mga biktima.
Kairiba kan mga otoridad an pamilya kan mga biktima kaya madali sanang nabisto an mga ini huli sa mga palatandaan sa lawas asin mga bado.
Mientrastanto, poko mas umenos 100 persona pa su boot an nawawara asin an pigtutubudang na imbwelto man giraray an grupo.
