Reymund Titong
KABANKALAN CITY, Negros Occidental — Naglab-ot sa 291 ka mga octogenarians nga Kabankalanon ang nakabaton sang one-time financial aid nga nagabalor sang P12,000, sang Oktubre 10, sa Barangay 9, Kabankalan City.
Apang, ang nangin kwalipikado sa nasambit nga programa amo lamang ang mga octogenarians nga naga-edad 85-89, base sa executive order no. 2024-037-A nga ginlagdaan sang Hunyo 26, 2024.
Ang termino nga octogenarians ang nagatumod sa mga indibidwal nga naga-edad sang 80 tubtob 89.
Sin-o ang pwede maka-avail?
Base sa section 1 sang executive order no. 2024-037-A, puwede lamang maka-avail sang programa ang mga senior citizens nga naga-edad 85-89 nga taga syudad sang Kabankalan, benepisyaryo sang Social Pension gikan sa national government, mga senior citizens nga may ginabaton ukon wala sa GSIS, SSS, PVAO, AFPBAI, ukon iban pa nga insurances.
Maka-avail man ang mga octogenarians nga miyembro ukon indi sang Federation of Senior Citizen Association of the Philippines (FSCAP).
Ang nabaton nga bulig pinansyal sang ginatos nga mga senior citizens ang gikan sa Senior Citizen Fund sang syudad. -BNFM Kabankalan
