GIANGKON ni Kagawad Virgie Llido nga dili pa siya kabisado sa duha ka komitiba nga gihatag kaniya sa 20th Council sa SP Gensan nga mao ang Public Affairs and Information ug Cleanliness and Physical Enhancement.
Apan gipaniguro niini nga iyang tun-an aron nga makamugna ug balaodnon ug resolusyon nga ikaayo sa dakbayan.
Samtang ginaawhag usab niini ang katawhan sa Gensan sa pagtinabangay tungod kay dili matud pa niinni mahimo nga nag-inusara ang usa sa iyang komitiba ilabi na ang may kalabotan sa beautification, cleanliness ug disiplina.
Dugang pa niini nga ilambigit usab niini ang 26 ka barangay kalabot sa iyang komitiba ug dili lang sa sentrong bahin sa syudad aron nga makab-ot ang pangandoy nga mas-daghan pa nga mga bisita ug mga tigpamuhonan. I Danny Casi
