Na-rescue na ang 21 sa 22 mga Pilipinong seafarers na sakay ng MV Tutor matapos itong atakihin ng mga rebeldeng Houthi sa Red Sea.
Ayon kay Migrant Workers Secretary Hans Cacdac, pinagtulungan ng international forces ang pagsagip sa mga Pilipinong tripulante.
Hindi naman dinisclose ni Cacdac ang kalagayan ng mga na-rescue mula sa barko para sa seguridad ng mga ito.
Mababatid na naganap ang pag-atake ng Houthi sa MV Tutor habang dumadaan ito sa Red Sea.
Dahil dito, nagtamo ng pinsala ang barko.
