Boluntaryo nga nag surrender sa Altavas MPS sa Guintas, Leganes, Iloilo ru sangka wanted person nga may nakabinbin nga kasong murder sa Palawan.
Sa report, nakilaea ru nag surrender nga si Tomasito Dellalarte, Jr. 45 anyos, residente it nasambit nga lugar.
Nagsugid ru akusado sa mga pulis nga may anang kaibahan nga wanted sa kasong murder nga si Ariel Gallero, 34 anyos rason nga naghimo it operasyon ru mga kapulisan sa Brgy. Hinactacan, Lapaz, Iloilo City.
Ru daywang mga wanted person hay may kasong murder nga gin issue ni Hon. Leah Delos Reyes-Baguyo, Presiding Judge it RTC Palawan.
Uwa it gin rekomendang pyansa sa daywang mga wanted person para sa temporaryong kahilwayan it mga akusado.
Sa pag verify it mga kapulisan, may dugang pagid nga kasong attempted murder nga gin issue ni Hon, Ramon Chito Mendoza, Presiding Judge , Branch 165 RTC Palawan.
May nakataeana man nga pyansa sa daywang akusado nga naga balor nga P120,000 sa kada isaea.
Samtang, gin komperma ni Altavas PNP OIC PLT Ryan Batadlan nga ru mga akusado hay suspek sa election killing incident gamit ru mga loose fire arm ku 2016 sa Bataraza, Palawan.
Naka taeana nga iturn-over sa natungdan nga korte ru mga akusado.
Gin himo ru joint operation it Altavas MPS, Regional Intelligence Division 6, Regional Intelligence Unit-Aklan Tracker’s Team ag Bataraza, Palawan PNP.//MARIVIC Y. ILIN
